18. Аще которые, быв поставлены во епископов, но не быв приняты епархиею, в которую наречены, восхотят на иные епархии наступати, и поставленных тамо утесняти, и воздвигати противу них возмущения: таковых отлучати от общения церковнаго. Аще же восхотят с пресвитерами сидети, где прежде были пресвитерами: не имати от них сея чести. Аще же будут воздвигати смятения противу поставленных тамо епископов: лишати их и пресвитерской чести, и быти им отрешенным.

19. Давшие обет девства и нарушившие обет, да исполнят епитимию двоебрачных. Девам же, соединяющимся жительством с некиими, аки с братиями, мы сие возбранили.

20. Аще чия жена прелюбодействовала, и кто либо прелюбодействовал: таковым надлежит в седмь лет приити в совершенное общение, по степеням к тому ведущим.

21. Женам, от прелюбодеяния зачавшим, и истребившим плод, и занимающимся составлением детогубительных отрав, прежним определением, возбранено было причащение святых тайн до кончины: и по сему и поступают. Изыскивая же нечто же более снисходительное, мы определили таковым проходити десятилетнее время покаяния, по степеням установленным.

22. Виновные в вольных убийствах, да будут в разряде припадающих: совершеннаго же общения да удостоятся при кончине жизни.

23. Виновным в невольных убийствах прежнее определение повелевает, в седмь лет, по степеням установленным достигати совершеннаго общения; новое же определение: исполняти пятилетнее время в покаянии.

24. Волхвующие, и последующие языческим обычаям, или вводящие неких в домы свои, ради изыскания волшебств, или и ради очищения, да подвергаются правилу пятилетняго покаяния, по степеням установленным: три лета припадания, и два лета молитвы без приобщения святых тайн.

25. Некто обручившщий себе отроковицу, сперва растлил ея сестру, яко и беременной быти ей, а потом оженился обрученною, а растленная удавилася. Совиновных повелено, в продолжении десяти лет, по установленным степеням покаяния, прияти в число стоящих на молитве с верными.Правила Неокесарийскаго собора 315 г.1. Пресвитер, аще оженится, да извержен будет от своего чина. Аще же блуд или прелюбодеяние сотворит: да будет совсем изгнан от общения церковнаго, и низведен в разряд кающихся.2. Жена, совокупившаяся браком с двумя братиями, да будет отлучена от общения церковнаго до смерти. Но при смерти, аще обещается разрушити брак о выздоровлении, да будет по человеколюбию допущена к покаянию. Аще же умрет жена или муж, в таковом браке: оставшемуся трудно покаяние.3. Время покаяния, определенное для впадающих во многобрачие, известно: впрочем обращение и вера их сокращают время.4. Аще кто, вожделев жены, решится преспати с нею, но его намерение не приведется в действие: видимо есть, яко благодатию избавлен.5. Оглашенный, входящий в церковь, и стоящий в чине оглашенных, обличен быв во грехе, аще сопричислен был преклоняющим колена, да низведется в разряд слушающих писания, престав от греха. Аще же и пребывая между слушающими согрешит: да изгонится из церкви.