Страница 5 из 6
Потом же вавилоньский царь Моавия, во святем крещении нареченный Иоан, его же крести святый Феодор, епископ едесский, посла в Едес, повелением святаго Фео дора[5], и повеле несториян и иных еретиков из града изгнати, и манихея ном повеле языки изрезовати. И многа такова обрящеши в божественном писании яже и сам веси, паче нас, богоученною премудростию[6] и многим разумом, по глаголющему словеси: «Даждь премудрому вину, премудрее будеть; сказай праведному, и приложит приимати, и еже разумети закон, помысла есть блага.
Сим бо образом, владыко, много поживеши лет и приложит ти лето животу», держащему уставы божественных отец по апостольскому преданию, в честь и в славу и поклонение единосущныа и животворящая Троица, и похвалу православныя веры, со всеми повинующимися тебе Христианы, православныа веры, ихже учиши и паствиши повелением и властию святаго духа, словом и учением.
Златоуст .
Маргарит Память бо предвариши их целба бывает хотяши им быти, иже о первыих каеться, вторыми не побежден бывает. Того же. Всем бо злобам виновни греси — греха ради скорби, греха ради смущение, греха ради брани, греха ради недузи. Тои же греха ради скрбь родися, скрбь ж грех погуби, якож червь от древа рожаеть и той паки снедает древо — сице и скорбь родивший от греха погубляет грех покаанием принесена.
Сего ради глаголет Павел: скорбь, яже по бозе покаание есть во спасение, подобает согрешающим плакати о согрешении. Блажени плачющеи, яко тыи утешаться, отвещай судьи, дондеж на суд не приидеши или не веси, яко вси хотящеи умолити судию не в тот день испытанна суднаго умолят, но преж внитию на суд или друг или предстоятыи, или неким образом судью умоляют, сицеи о бозе во время суща.
Не мощно умолити судью, прежде же судища — мощно умолити. И умолить судью Христа истиннаго бога нашего, ему ж слава ныне и присно и во веки веков — Аминь.
II. Пространная редакция
Господину государю пресвященному владыце Суждальскому и Тору скому, Нифонту, грешный чернець Иосиф, нищий твой, господине, челом бью[1].
Ведомо тобе, государю моему, нынешняя великая беда, постигшиа Рускую землю и все православное христьянство: во велицей убо церкви пречистыа богородица, сияющей якоже второе солнце посреди всея [2]Рускыя земля[2], и на престоле святем, идеже божествении святителие и чудотворци Петр и Алексей и инии мнозии велиции и православнии святителие посажени быша, на том же престоле ныне седит скверный злобесный волк, оболкийся в пастырьскую одежу, иже чином святитель, а произволением Июда предатель и причястник бесом, иже оскверни и святительский великий престол, овех убо жидовству учя[3], инех же содом скыими сквернами скверня; змий пагубный, мръзости запустение на месте святом, отступник Христов, иже не точию сам отступи от Христа и диаволу прилепися, но инех учит отврещися Христа, первый отступник в светителех в нашей земли, антихристов предтечя, иже антихриста ждеть, свиньскым житием живый, сын погибельный, иже сына божия попра, и пречистую богородицю похули, и вся святыа уничижи, и икону господа нашего Иисуса Христа и пречистыа его матере и всех святых болваны нарицая, и всяко нечестие и претыкание и съблазн на непорочную христьянскую веру полагает, и еуангельская преданна и апостольскыа уставы и всех святых писаниа отмеща: «Нет, деи, втораго пришествиа Христова, нет, деи, царства небеснаго святым!
Умер, [4]деи, ин, то[4] умер, — по та места и был». Ни во древнах еретицех и отступницех таков злодей не бывал! А сказывал ти и самому государю моему, брат мой Васьян. И ныне, господине, о том стати накрепко некому, опроче тебя, государя нашего; аще же ты подщишися за Христа и за пречистую богородицу и за все православное христьянство стати накрепко, тобою, господине, мнози пользуються и о тобе укрепятся вси: глава бо еси всем, и на тебе вси зрим, и тобою очистит господь бог свою церковь и все православное христьянство от жидовьскыа и пагубныа скверныя ереси.
Поистинне, государь, с первыми исповедники и святители, з Германом и с Никифором и с Мефодием, царствию небесному сподобишися от господа нашего Иисуса Христа. Помни, богопочтенный владыко, колико лет жили есмя, милостию великаго бога и спаса нашего Иисуса Христа и пречистыа его матере молитвами всех святых, в мире и во устроении и во всяком благоденьстве и чести.
Аще убо во время мирное порадовахомся с Христом, но и во время гонениа постражем с ним; аще во время благоденьства Иисусу любими быхом, и во время ратно да не будем ему врази. Иисус распят бысть нас ради безгрешный, а мы за распятаго нас ради не постражем ли до смерти? Что сего блаженейши, еже за Христа пострадати и за пречистую богородицю? Аще бо с ним умрем, то с ним и прославимъся.
Аще ли же ныне не умрем[5 ]о правде и о благочестии, и по мале туне умрем. Ныне время купли, время труду, время мене, время течению и подвигом. Воспомяни, богопочтенный владыко, богоносныя отца и учителя, патриархи-исповедники, иже до крови о благочестии подвизавшихся. Зри и вижь, какова ныне слава их и благолепие: почиша бо в мире, и гроби их фимианом мирисают, и мощи их цветут, яко благоюханный цвет, и царствует в них господь, и душа их в руце господни.
И яко тогда беша мнози исповедници и мученици, и с радостию и веселием крови своа проливающе за господа нашего Иисуса Христа и за непорочную веру христьянскую, ныне же сие до конца оскуде: сего ради подобает о сем паче ныне даже до смерти подвизатися, в последняя сия лета и во времена, лютейшая паче всех времен, о нихже рече великий апостол Павел: «В последняя дни настанут въремена люта, приидет преж отступление и тогда явится сын погибелный».
Се ныне уже прииде отступление: отступиша убо мнози от право славныя и непорочныя христовы веры и жидовствуют втайне. Иже преже ниже слухом слышася в нашей земли ересь отнели же восиа православна солнце, ныне же и в домех, и на путех, и на тръжищих иноци и мирьстии и вси сомняться, вси о вере пытают, и не от пророк, ни от апостол, ниже от святых отець, но от еретиков и от отступников христовых, и от проклятых на соборе, от Протопоповых Детей, и его зятя, и от их учеников, я с ними дружаться, и пиют и ядять, и учятся от них жидовству, и от самого того сатанина сосуда и дияволова, митрополита, не выходят и спят у него.
Поистинне, приде отступление: отступиша бо человеци от истинны и от правды, отступиша братолюбиа и нищелюбиа, отступиша целомудриа и чистоты, и на сласти съвратишася, зряще на сквернаго пастыря, всегда сквернящагося мрьскими сквернами, еще же жидовьству и отврьжению учяща. Се уже прииде отступление; сей есть антихристов предтечя и сын погибелный, явивыйся во свое время.
Аще не искоренится ныне той вторый Июда предатель, по мале укрепиться[6], и во вся человеки внидет отступление. Сего ради блажен необленивыйся, ниже раз слаблев ныне, яко болши прьвых мученик и славнейши имат быти якоже рече священномученик блаженый Ипъполит, папа римскый: «Блаженнейши же, иже и о искреннем подвизаяся». Сие убо просит и ищет от нас милостивый и щедролюбивый господь, яко да нами и прочий человецы ползуются и вразумятся и о благочестивей христьяньстей[7] и непорочней вере подвигнутся даже до смерти.
Ныне же, богоутверженый владыко, о сих тобе пишу, не яко учя и наказуя твое остроумие и богоданную премудрость (ни бо лепо есть нам забыти своеа меры и таковая дръзати), но яко ученик учителю, яко раб государю воспоминаю тебе, и молю, яко да наказуеши и учиши все православное христьяньство, еже не приходити к сквернителю оному и отступнику, ни благословения от него не приимати, ни ясти, ни пити с ним.
Аще ли же кто к нему начнет приходити, благословенна ради, или ясти с ним или пити, ведая его жидовство, той на страшнем суде христове о том истязан будет и с ним осужен будет во огнь вечный, яко преступник и отметник апостольских преданий и святых отець писания. Великий убо апостол Иоан Богослов глаголеть: «Аще хто не исповедует Иисуса Христа во плоти пришедша, сей есть льстець и антихрист, и не приемлете его в дом, и радоватися ему не глаголете; глаголяй ему радоватися, причащается делех его злых».
И святый апостол Павел глаголеть: «Еретика человека отвращайся, ведый[8], яко совратися таковый». И святый Иван Златоуст глаголеть: «Взлюбленнии, многожды нам глаголах о безбожных еретицех, и ныне молю не совокуплятися с ними вь ядении, ни в питии, ни в дружбе, ни в любви; творя бо сия, чюжа себе творит христовы церкви. Аще кто и бесплотных житие поживет, а не исповедуеть православна догматы, отвращаемся и бежим от него, яко от змиа».
А иные, господине[9], говорят: «Мы у него не слыхали ничего»; и толко, господине, есть на него достоверны свидетели, ино так и сами вы[10 ]слышели. Занеже еще и в Моисееве законе писано: «Аще хто отврьжется Моисеева закона и начнет глаголати, яко не отвергъся есмь, и аще будет на него достоверные[11] свидетели два или три, тако без милосердна убиваем бывает».