* Святых лик обрете источник жизни | и дверь райскую, да обрящу и аз путь покаянием,| погибшее овча аз есмь,| воззови мя, Спасе, и спаси мя.|

* Агнца Божия проповедавше,| и заклани бывше якоже агнцы,| и в жизни нестареемой Святии, | и присносущней преставльшеся,| Того прилежно мученицы молите,| долгов разрешение нам даровати.|

* В путь узкий ходшии прискорбный,| вси в житии крест, яко ярем вземшии,| и Мне последовавши верою, приидите насладитеся,| ихже уготовах вам почестей и венцов небесных.|

* Образ есмь неизреченныя Твоея славы,| аще и язвы ношу прегрешений: | ущедри Твое создание, Владыко, и очисти Твоим благоутробием,| и вожделенное отечество подаждь ми,| Рая паки жителя мя сотворяя.|

* Древле убо от несущих создавый мя,| и образом Твоим Божественным почтый,| преступлением же заповеди,| паки мя возвративый в землю, от нея же взят бых,| на еже по подобию возведи,| древнею добротою возобразитися.|

* Упокой, Боже, раба Твоего | и учини в раи,| идеже лицы Святых, Господи,| и праведницы сияют яко светила,| усопшаго раба Твоего упокой,| презирая его вся согрешения.|

* Слава: Трисиятельное Единаго Божества благочестно поем вопиюще; | Свят еси, Отче Безначальный,| Собезначальный Сыне и Божественный Душе, просвети нас верою Тебе служащих и вечнаго огня исхити.

* И ныне: Радуйся, Чистая, Бога плотию рождшая во спасение всех.| Ею же род человеческий обрете спасение,| Тобою да обрящем рай, Богородице Чистая, Благословенная. Аллилуиа (3 р.). Вслед за этими тропарями поется погребальный канон: во всех песнях его заключается молитва верующих к мученикам о ходатайстве перед Богом за умершего и земная жизнь изображается под видом бурного моря, а смерть христианина — в виде тихого пристанища. Священнослужители, родные и знакомые, стоя около гроба со свечами в руках, молят Господа упокоить душу умершего со Святыми в Царстве небесном: "Со Святыми упокой, Христе, душу раба Твоего, идеже несть болезнь, ни печаль, ни воздыхание, но жизнь бесконечная". В следующих восьми стихирах, которые называются "самогласными", снова выражается вся ничтожность человеческой жизни, в которой нет искренней радости, нет прочной славы: все в ней исчезает в одно мгновение, когда приходит смерть. 1-ая стихира: Как житейская сладость пребывает печали непричастна?| кая ли слава стоит на земле непреложна;| Вся сени немощнейша,| вся соний прелестнейша: | единем мгновением, и сия вся смерть приемлет.| Но во свете Христе лица Твоего | и в наслаждении Твоея красоты,| его же избрал еси, упокой,| яко Человеколюбец.| 4-ая стихира: Где есть мирское пристрастие,| Где есть привременных мечтание?| где есть злато и сребро?| где есть рабов множество? и молва?| вся персть, вся пепел, вся сень.| Но приидите возопием Безсмертному Царю: | Господи вечных Твоих благ сподоби преставльшагося от нас,| упокояя его в нестареющемся блаженстве Твоем.| 8-ая стихира: Плачу и рыдаю,| егда помышляю смерть,| и вижду во гробе лежащую, по образу Божию созданную нашу красоту,| безобразну, безславну,| неимущую вида.| О чудесе! Что сие еже о нас бысть таинство?| како предахомся тлению?| как сопрягахомся смерти? — воистину Бога повелением,| якоже писано есть,| подающаго преставльшемуся упокоение.