36. Ибо он, находясь на острове Патмосе, видел откровение страшных тайн, кои обильно излагая, и других научает. Скажи мне, блаженный Иоанне, апостол и ученик Господень, что ты видел или слышал о Вавилоне? Возбудись и скажи: ибо и он тебя сослал в ссылку. «И прииде един от седми ангел, имущих седмь фиал, и глаголами, глаголя: прииди, да покажу ти суд любодейцы великая, седящия на водах многих, с нею же любодеяша царие земстии, и упишася живущий на земли от вина любодеяния ея. И веде мя в пусто место духом: и видех жену седящу на звери червлене, исполненем имен хульных иже имеяше глав седмь и рогов десять. И жена бе облечена в порфиру и червленицу, и позлащена златом и камением драгим и бисером, имущи чашу злату в руце своей полну мерзости и скверн любодеяния земли. И на челе ея написано имя: тайна: Вавилон великий, мати любодейцам и мерзостям земским» (Откр.17:1–5).

37. «И видех жену пиану кровми святыми кроема свидетелей Иисусовых: и дивихся, видев ю, дивом великим. И рече ми ангел: что дивишися? аз ти реку тайну жены сия, и зверя носящаго, седмь глав имуща и рогов десять. Зверь, его же видел еси, бе и несть, и имать взыти от бездны, и в пагубу пойдет; и удивятся живущия на земли, им же имена не написано суть в книгу животную от сложения мира, видяще, яко зверь бе и несть, и предстанет» (Откр.17:6–8).

38. «Зде ум, иже имать мудрость: седмь глав горы суть седмь, идеже жена седит на них. И цари седмь суть: пять их пало, и един есть, а другий еще не прииде, и егда приидет, мало ему есть пребыти. И зверь, иже бе и несть, и той осмый есть, и от седми есть, и в пагубу идет. И десять рогов, яже видел еси, десять царей суть, иже царства еще не прияша, но область, яко цари на един час приимут со зверем. Сии едину волю имут, и силу и область их зверю дадут. Сии со Агнцем брань сотворят и Ангец победит я, яко Господь господом есть и Царь царем: и сущий с ним званный и избранный и верни» (Откр.17:9–14).

39. «И глагола ми: воды, яже еси видел, идеже любодейца седит, людие и народы суть, и племена и языцы: и десять рогов, яже видел еси на звери, сии любодейцу возненавидят, и запустевшу сотворят ю, и нагу, и плоть ея снедят, сожгут ю огнем. Бог бо дал есть в сердце их, сотворити волю его и сотворити едину волю, и дати царство свое зверю, дондеже скончаются глаголы Божия. И жена, иже видел еси, град есть великий, иже имать царство над цари земными» (Откр.17:15–18).

40. «По сих видех ина ангела, сходяща с небесе, имуща область велию: и земля просветися от славы его. И возопих крепости, гласом велиим глаголя: паде, паде, Вавилон великий, и бысть жилище бесом, и хранитель всякому духу нечисту, и хранилище всех птиц нечистых и ненавидимых: яко от вина ярости любодеяния своего напои вся языки: и царие земстии с нею любы деяша, и купцы земстии от силы сластей ея разбогатеша. И слышах глас ин с небесе глаголющ: изыдите из нея, людие мои, да непричаститеся грехом ея, и от язв ея да невредитеся. Яко прилепишася греси ея даже до небесе, и помяне Бог неправды ея» (Откр.18:1–5).

41. «Воздадите ей, якоже и та воздаде, и усугубите ей сугубо по делом ея: чашею, ею ж черпа вам, черплите ей сугубо. Елико прославися и насладися, толико дадите ей мук и рыданий: яко в сердце своем глаголет: сежу царицею, и вдова несмь, и рыдания не имам видети. Сего ради в един день приидут язвы ей, смерть и плач и глад: и огнем сожжена будет, яко крепок Господь Бог, судяй ей. И возрыдают и восплачутся ея цари земстии, любы деявшие с нею и наслаждавшийся, егда узрят дым запаления ея, издалеча стояще за страх мук ея глаголяще: горе, горе, град великий Вавилон, град крепкий, яко в един час прииде суд твой. И купцы земстии возрыдают и восплачутся о нем, яко бремен (товаров) ихже никтоже купует ктому, бремен злата и сребра, и камения драгого и бисера, и виссы и порфиры, и шелка и червени, и всякого древа фиинна (благовоннаго), и всякого сосуда из кости слоновыя, и всякого сосуда от древа честного, и медяна и железна и мраморна, и корицы и фимиама и мира и ливана и вина и елея, и семидала и пшеницы, и скота и овец и козлов, и коней и колесниц, и телес и душ человеческих. И овощи похотей души твоея отъидоша от тебе, и ктому не имати обрести их. Купцы сими обогащашеся, издалеча станут за страх мучения ея, рыдающе и плачущеся, и глаголюще: горе, годе, град великий, облеченный виссом и порфирою и червленицею, и позлащенный златом и (украшенный) камением драгим и бисером, яко во един час погибе толико богатство. И всяк кормчий, и весь в кораблех народ, и корабельницы и елицы в мори делают, издалеча сташа, и вопияху, видяще дым рождения его, глаголюще: кий подобен граду великому? и положиша персть на главах своих, и возопиша плачущеся и рыдающе, глаголюще: горе, горе, град великий, в нем же обогатишася еси имущия люще горе, корабли в мори от богатства его яко единым часом запусте» (Откр.18:6–19).

42. «Веселися о сем, небо и святии, и апостолы и пророцы, яко суди Бог суд ваш от него. И взят един ангел крепок камень велик яко жернов, и верже в море, глаголя: тако стремлением ввержен будет Вавилон, град великий, и не имать обрестися ктому: и глас гудец мусикий, и пискателей и труб (свирельщиков и трубачей) не имать слышатися ктому в тебе; и всяк хитрец всякия хитрости не обрящется ктому в тебе: и свет светильника не имать светити в тебе ктому, и глас жениха и невесты не имать слышан быти в тебе ктому: яко купцы твои быша вельможи земстии, яко волхвовании твоими прельщени быша вси языцы, и в нем кровь пророческа и святых обретеся и всех избиенных на земли» (Откр.18:20–24).