«Дышя же благодать Твою ученик неблагодарный, сию отлагает, и смрадом одевается, сребролюбием продая Тебе»... так поет Церковь в Великую Среду на утрени: «Иуда льстец, сребролюбия рачительствуяй, предати Тя, Господи, Сокровище живота, лестно поучашеся»...

«О слепотнаго сребролюбия, нечестиве... отчаянием бо сам себе удавил еси, вжегся, предателю!...»

«Иуда раб бываше врагу...»

«О Иудина окаянства! зряше блудницу, целующую стопы, и умышляше лестию предания целование. Оная власы разреши, а сей яростию вязашеся, нося вместо мiра злосмрадную злобу...»

«Простре блудница власы Тебе, Владыце, простре Иуда руце беззаконным: ова убо прияти оставление, ов же взяти сребренники».

«Нрав сребролюбия, и образ твой безумия исполнен, несмысленный Иудо... заключил еси жестокаго твоего сердца утробу,» так восклицает Церковь в Великую Среду на повечерии:

«Лобызаеши и продаеши, Иудо, целуеши и не стыдишися, лестию притекий! Кто ненавидя лобызает, преокаянне, кто любя продает на цене? Лобызание твоего безстуднаго злосоветия обличает произволение».

«Иуда злочестивый сребролюбием недуговав омрачашеся, и беззаконным судиям Тебе Праведнаго Судию предает. Виждь, имений рачителю, сих ради удавление употребивша! Бежи несытыя души, Учителю таковая дерзнувшия!...» так поет Церковь в День Великого Четвертка и дальше:

«Хлеб прием в руце предатель, сокровенно тыя простирает, и приемлет цену создавшаго Своима рукама человека, и неисправлен пребысть Иуда раб и льстец».

«... тому обаче добро бы врата жития пройти никогдаже: сего, иже бе предатель, являше Бог отец наших».

«Законныя дружбы злоименитый Искариот волею забыв, яже нозе умы, уготови на предание: и Твой ядый хлеб, Тело Божественное, воздвиже ков на Тя, Христе...»

«Приимаше решительное греха Тело безсовестный, и Кровь изливаемую за мiр Божественную, но не стыдяшеся пия, юже продаяше на цене, о злобе же не негодова...»

«Иуда беззаконный, Господи, омочивый на вечери руку в солиле с Тобою, простре к беззаконным руце прияти сребренники».

«Иуда предатель льстив сый, льстивным лобзанием предаде Спаса Господа и Владыку всех, яко раба продаде иудеем...»

«Иуда раб и льстец, ученик и наветник, друг и диавол от дел явися,..»

«Днесь Иуда нищелюбия сокрывает лице, и лихоимства открывает зрак... течет ко иудеом, глаголет беззаконным, что ми хощете дати, и аз вам предам Его? О сребролюбия предателя!»

«Нрав твой льсти исполняется, беззаконный Иудо... аще бо богатство любил еси, почто ко учащему о нищете пришел еси?»

«...никтоже отнюдь яко Иуда льстивно да приступит к трапезе... образом убо сый ученик, вещию же сый убийца... ненавидя лобызаше, лобызая же продаваше...»

«Рождение ехиднов воистину Иуда... сей злочестивый на Спаса предательство содела. О нрава несытнаго и дерзости безчеловчныя!...»

«Лобзанием льстивным Иуда тогда уста распираше Тебе, имиже Тело Твое, Слове, недостойно омакаше, вопия Тебе: радуйся Учителю, лобзатель и предатель, раб и льстец».

«О лестнаго лобзания! Радуйся Учителю, Христу Иуда глаголет, вкупе со словом предает на заколение...»