Sunday Service
Именем Господним благослови,
отче.
Молитвами святых отец наших, Господи Иисусе Христе, Сыне Божий, помилуй нас. Аминь.
Молитва ко Святей Троице
Всемогущая и Животворящая Святая Троице и Светоначальная, яже мирную всякую и премирную тварь, за єдину благость от не сущих приведый, и промышляя и содержащи; иже по прочих Твоих неизречённых о земном роде благодеяниих, и покаяние нам ради плотскаго неможёния до смерти дарова вый; не остави нас окаянных в лукавых наших деяниих умрёти, ниже
злоначальнику и завистцу, и губителю посмёшство быти. Зриши бо, Благосёрде, елик убо онаго на нас навет и вражда, елико же и наше страстование, и слабость, и небрежение. Но неоскудныя Твоя благости содёлай на нас, молим на всякий день и час прогнёвающии Тя честных и животворных заповедей преступлением; и вся убо всего прешёдшаго живота нашего, и до нынешняго часа согрешёная нами в деяниих или глаголаниих, или в помышлёниих, остави и прости; сподоби же нас, прочее скончати житие в покаянии, и умилении, и соблюдении святых Твоих повелений. Аще убо сладостию прельстившеся, многообразие согрешихом, или мерзкими похотьми неполезными и вредными обольстившеся
препроводихом; аще гневом и яростию подвигшеся
безсловесною, кого брата нашего оскорбихом, аще языком неизбежных и стропотных, и крепких сетей объяхомся; аще коим чувств наших, или всеми, волею или неволею, вёдуще или не вёдуще, от восхищения, или поучения, безумно
поползохомся; аще же лукавыми помыслы и суетными совесть осквернихом; аще ли коим другим образом прегрешихом, от предприятия и обычая томими злаго; прости нам, и остави вся, Всещёдре, Преблаже и Многомилостиве, и даруй нам прочее бодрость и силу, во еже
Г Г гѵл Г Г
творити волю Твою благу, и благоутдну, и совершёну; да нощнаго и мрачнаго зла, световидным покаянием
пременшеся, и яко во дни благообразно ходяще, и очищёни объявимся человеколюбию
гжч Г Г KJ
Твоему недостойнии,
F гжч F
воспевающе Тя и величающе во веки. Аминь.
ОКОНЧАНИЕ ПОЛУНОЩНИЦЫ
Слава, и ныне:
Господи помилуй. (Трижды.)
Господи благослови.
Воскресый из мёртвых, Господи Иисусе Христе, Сыне Божий, молитвами Пречистыя Твоея Матере, преподобных и богоносных отец наших и всех святых помилуй и спаси нас, яко Благ и Человеколюбец. Аминь.