В горе, на пути, на местех пустых житие оставльшия в вере, монахи же и беглецы, юноши и старцы — со святыми, Христе, всели!

От печали и радости прешедшия ненадежно (внезапно), верою абие пременившия житие, в благоденствии или злоденствии пострадавшия — вся упокой, Спасе наш!

От четырех конец, Господин, приемляй, верно усопшия —в мори или на земли, или в реках, источницех, или езерех, или в роенницех (рвах с водой, колодцах), бывшия снедь зверем и птицам и гадом — вся упокой!

Внезапу благочестно умершия, и падшия от всякия стремнины (высоты), древа, железа, всякаго камене —упокой, Боже, усопшия верныя!

Яже покры вода и брань (война) пожат, яже трус объят и убийцы убиша, и яже огнь попали верныя, Милостиве, учини в части праведных.

Яже уби меч и конь совосхити, град, снег и туча умноженная, яже удави плинфа (задавило кирпичом) или персть посыпа (землей засыпало), Христе Спасе наш, упокой!

Напрасно (внезапно) восхищенные (от жизни), попаленный от молний и измерзшия мразом, и всякою раною, упокой, Боже, егда огнем вся искусиши.

Умершия Божиим прещением (от) смертных, громов всяких, с небесе изнесенных, земли разседшейся, морю возмутившуся, вся верныя, Христе, упокой!

Неизглаголанными Твоими судьбами яже убиша чаровная напоения, отравы, костная удавления — со святыми, Господи, упокой!

От ядовитых угрызений умершия, от поглощения змиев, от попрания копей, от удавления и обешения (повешения) от искренняго (ближнего), верою Ти послужившия упокой!

Ихже всякое естество морских (животных) и птиц небесных прият снедение, Твоими судьбами воскреси, Христе Более, в последний день со славою!

Всех, яже создал ecu, имже попустил ecu, Господи, полезная ведый, внезапными падежами ненадежно умрети, избави муки всякие, Более наш!

Огня приснопалящаго, и тьмы несветимыя, скрежета зубнаго и червия бесконечно мучащаго и всякаго мучения избави, Спасе наш, вся верно и умершия!

Нас ради претерпевый крест и смерть, и умертвивый ада, и совоскресивый мертвыя, преставльшияся от нас, Спасе, упокой, яко

Человеколюбец Бог, и в трепетное и срашное пришествие Твое, Жизнодавче, яко имеяй множество милости, царствия Твоего сподоби.

Сокрушивый первее сень смертную, возсияв яко солнце из гроба, сыны воскресения Твоего сотвори, Господи славы, вся умершия в вере, во (вся) веки!

Последнею убо трубою вострубившу Твоему Архангелу, в воскресение жизни всех, тогда, Христе, рабы Твоя упокой.

О, страшнаго Твоего втораго пришествия, Господи! Зане яко в виде молнии на землю пришед, воздвигнеши все создание Твое судитися. Тогда в вере Тебе поживших, сретших Тя, с Тобою быти сподоби.

Коегождо по имени, в вере умершия от века и от рода родов, неосужденно предстати Тебе, Христе, тогда в пришествии Твоем сподоби.

Вся презираяй плотские долги (грехи) наша, Спасе наш, во всяком возрасте всего рода человеча, перед судищем Твоим постави неосужденны, Тебе Создателю отвещающия.

Егда имаши сести на престоле и повелиши на с'уд предстати собранным трубою от конец земли, тогда пощади и всех, Христе, яко милостивый!