1. Славословия Богоматери

«Приидите, Матерь Света песнъми немолчными зовуще ecu прославим: Та бо роди Спасение наше, и радуйся принесем, яко единей рождшей всех Началънейшаго, Иже прежде век Бога.

Иже прежд денницы от Отца без матере Родивыйся, на земли без отца воплотися днесь из Тебе. Темже звезда благовествует волхвом, Ангели же с пастырьми поют несказанное рождество Твое, Благодатная. Яко видеша Ангели, Дево чистая, от утробы Твоея происшедшаго Сына Божия, с веселием глаголаху: слава рождеству Твоему, Владычице!

Иже в недрех Отчих на дланех матерних Твоих почи, Богородице, Рождейся в вертепе. И всем верно поющим Тя отверзает царство.

Весь воплощъся во утробе Твоей, Пречистая, Христос Бог без семене родися; не стерпе бо Своих рук создание зрети от льстиваго мучимо, прииде рабозрачным образом (в виде раба), человеческий род избавити.

Раждается Бесплотный, Бог Слово во плоти из Тебе, Дево пречистая, да жизнь безлетную человеком, и наследие вечное, и славу подаст нетленную.

Страшно чудо зачатия и несказанен образ рождества в Тебе познася, чистая Приснодево, ужасает ми ум и удивляет помышления. Во инех женах мати, дондеже дева, не познася; ни мати по рождестве девствовати сподобися: на Тебе же, Дево Богомати, обоя устроишася; тем веселием духа воспеваю: несть непорочны паче Тебе, Владычице! Без семене, от Божественнаго Духа, волею же Отчею зачала ecu Сына Божия, от Отца без матере прежд век суща, нас же ради из Тебе без отца бывша, плотню родила ecu и Младенца млеком питала ecu.

Зачала ecu. Пречистая, всю тварь горстию Содержащаго, яко Зиждителя и Бога, неизреченно, непостижно, нас ради по нам Человека бывша, и еже б неотступльша.

Ум землен не может разумети Твоего паче ума зачатия, Дево Мати Отроковице: Бога бо родила ecu.

Ужасошася всяческая о Божественней славе Твоей: Ты бо, неискусобрачная Дево, имела ecu во утробе над всеми Бога, и родила ecu безлетнаго Сына, всем воспевающим Тя мир подавающая.

Се исполнися Исаино проречение: Дева бо родила ecu, и по рождестве, яко прежде рождества, пребыча ecu, Бог бо бе Рождейся.

Исаие, ликуй! Дева име во чреве и роди Сына Еммануила, Бога же и Человека, Восток имя Ему, Егоже величающе, Деву ублажаем.

Бога человеком невозможно видети, на Негоже не смеют чини Ангельстии взирати: Тобою же, Всечистая, явися человеком Слово воплощенно...

Еще от века утаенное и Ангелом несведомое таинство: Тобою, Богородице, сущим на земли явися Бог, в не слитном соединении воплощаем...

Царь Небесный за человеколюбие на земли явися и с человеки поживе, от Девы бо чистыя плоть приемый и из Нея прошедый с восприятием (человеческого естества); един есть Сын, сугуб (двойствен) естеством, но не ипостасию (не личностью); темже совершенна Того Бога и совершенна Человека воистину проповедующе, исповедуем Христа Бога нашего. Егоже моли, Мати безневестная, помиловатися душам нашим.

Пророцы проповедаша, Апостоли научиша, Мученицы исповедаша, и мы веровахом Богороицу Тя воистину сущую: тем и величаем рождество Твое неизреченное.

Украшена, препрославлена, пресияющая светом девства явилася ecu, Мати, Бога плотию рождшая и пеленами повившая вся явь Повивающаго.

Кто Тебе не ублажит. Пресвятая Дево? Кто лине воспоет Твоего пречистого рождества? Бесплотно бо от Отца возсиявый Сын единородный, Той же от Тебе чистыя пройде, неизреченно воплощъся, естеством Бог сый, и естеством быв Человек нас ради, не во двою лицу разделяемый, но во двою естеству неслитно познаваемый. Того моли, Чистая, Всеблаженная, помиловатися душам нашим.

Тя паче ума же и слова в Вифлееме Бога Слова днесь рождшую, Дево, и в пеленах Сего повившую, яко воистину Богоотроковицу и Богородицу величаем.

Радуйся, радосте прадедов, Апостолов и Мучеников веселие, и покров нас, Дево, Твоих рабов! Радуйся, Богородице Дево; радуйся, похвало всея вселенныя; радуйся, пречистая Мати Божия благословенная!

Яко общую радость, о Богородице, вся тварь песньми Тя почитает.