«...Иисус Наставник, помилуй нас!»
Безначальная, Несозданная Троице, Нераздельная Единице, кающася мя приими, согрешивша спаси: Твое есмь создание, не презри, но пощади и избави огненнаго мя осуждения...
Троице Простая, Несозданная, Безначальное естество, в Троице певаемая ипостасей, спаси ны, верою покланяющияся державе Твоей...
Безначальне Отче, Сыне Собезначальне, Утешителю благий, Душе правый, Слова Божия Родителю, Отца Безначална Слове, Душе Живый и Зиждяй, Троице Единице, помилуй мя!..
Отца прославим, Сына превознесем, Божественному Духу верно поклонимся, Троице Нераздельней, Единице по существу, яко Свету и Светом, и Живому и Животом, животворящему и просвещающему концы (вселенной)...
Триипостасная Единице, Отче, Сыне и Душе Живый, едино Божество, едино Царство, Тебе хвалят незаходимаго Света Ангельская воинства, и мы сущии на земли поем, благословим и превозносим во вся веки...
Отца, и Сына, и Духа Святаго, вси единомудренно, вернии, славословите достойно помолимся, Единицу Божества, в триех сущую Ипостасех, неслиянну пребывающу, просту, нераздельну, и неприступну, Еюже избавихомся огненнаго мучения".
В святых обителях наших, кроме вечерни и утрени, совершаются еще полунощницы: вседневная, субботняя и недельная; в полунощницу недельную читается канон Пресвятей и Живоначальней Троице, собранный из канонов всего Октоиха. Тропари канона сопровождаются припевом: "Пресвятая Троице, Боже наш, слава Тебе". Приведем из него несколько тропарей.
"Украсив, трисветлый Боже, чины небесные, устроил еси пета Тя трисвятыми гласы; с нимиже приими и нас, воспевающих Твою благость.
Отче безначальный Боже, и соприсносущный Сыне, и Душе Святый, утверди Единоначальная Троице, Твоя певцы, и от всякия напасти избави, и скорби...
Крепкую мне мысль устрой, трисветлая... Единице, еже храните и соблюдати Божественныя заповеди Твоя, и всегда пета Тебе верно: благословен еси, Боже отец наших...
Отче и Сыне, со Духом Святым, призри на ны верою Тебе покланяющыяся, и славящыя державу Твою, Благоутробне, со огненными (силами — Ангелами), бреннии, иного бо разве Тебе не вемы, и возопий поющым Тя: Аз есмь с вами, и никтоже на вы!..
Твоя сияния, Солнце незаходимое, Твоих рабов подаждь сердцам и просвети души, и избави от многих прегрешений, Едине Всемилостиве и Триипостасне, и нетленныя Твоея жизни нас сподоби...
Воспоим вси боголепно песньми божественными, Отца и Сына и Духа Божественнаго, Триипостасную державу,.едино царство и господство".
Канон недельной полунощницы заканчивается прекрасной покаянной молитвой Пресвятой Троице, творением Марка монаха.