Днесь вод освящается естество, и разделяется Иордан, и своих вод возвращает струи, Владыку зря крещаема.

Возвеселися ныне, Иордане, и ликуй; Иоанне, взыграй; вся вселенная, радуйся: се явися Христос, и обнажается, и крещается, облачая человечество во одежду нетления.

Иордане реко, что удивился еси, зря невидимаго нага? Видех и вострепетах, рече, и како бо Сего не восхотех устрашитися и зайти? Ангели Его устрашишася зряще, ужасеся небо, и земля вострепета, и смятеся море, и вся видимая и невидимая: Христос явися на Иордан освятити воды.

Что возвращаеши твоя воды, о Иордане? Что воспящаеши струи, и не преходиши еже по естеству хождение? Не мощно ми терпети, рече, Огня, поядающаго мя; удивляюся и ужасаюся крайнему схождению: яко не обыкох Чистаго измывати, ни навыкох Безгрешнаго отирати. Но... терния попаляти ми согрешений учит иже во мне крещаемый Христос.

Облак и море древле прообразоваху чудо Божественнаго крещения, в нихже крестишася исходяще древнии законнии людие: море же бе образ воды, и облак — Духа.

Назнаменоваше иногда пророк славный (Елисей) крещения благодать, воды первее бесплодныя солию соделав многоплодными, силою явившагося Бога нашего.

Услади горесть вод солию Елисей, Твой же, Богомати, Сын и Бог, крещся в воде, греха горесть и болезнь отъят.

2. Назидания

Глас вопиющаго слышан бысть в пустых сердцах: возвеселитеся, предста Христос, оставление всем даруя; освятитеся вся — море, источницы и реки, и удолия (долины), и вся подсолнечная.

Иже от Адама назии, приидите вси, облечемся в Него, да согреемся, покрывает бо нагия и просвещает темныя.

Скверну всяк носяй, да омыет ю слезными каплями и Христу с трепетом да приступит, идущему очистити огнем и Духом Божественным естество наше.

Излиявше слезныя источники от очес, очистим, вернии, всяку скверну душевную и Свет во свете светом узрим, креститися Христу грядущу, Емуже присвидетельствует Отец с небесе и Духа Святаго пришествие блистает голубиным видом.

Скверно слово лукавых помышлений да не внесем; слову же Божественному поучившеся, песни да принесем Слову, нас ради плотию явльшемуся и просвещающему сущия во тьме, Егоже вся тварь благословит, славящи во веки.

Греховную мглу всю отложивше, чисти явимся Владыце, вся очищающему струями Божественными.

Во Иордане реце грядущему креститися Христу, приидите приближимся, слезными очистившеся струями. Взираюше на Христа, смиряющагося волею даже и до рабия образа, под крепкую Его руку смиримся, духом вземшеся, яко да крещаема Сего чистыми делы почтим.

Воспоим, людие, Рожденному от Девы и в реце Иордане крестившемуся и к Нему возопиим: Царю всякия твари! Даруй нам неосужденно чистою совестию верно достигнути Твое святое из мертвых тридневное востание.

3. Песнопения Христову Предтече

Великий Крестителю Господень, радуйся: прииде бо Христос от тебе креститися.Трепещеши яко служитель: Владыка бо главу преклоняет тебе. Прикоснися Божественному верху Бога, содержащаго рукою всяческая и благоволением спасающаго род человеческий.

Руку твою, прикоснувшуюся пречистому верху Владычню, с неюже и перстом Того нам показал еси, воздежи о нас к Нему, Крестителю, яко дерзновение имея много, ибо всех болий пророк от Него свидетельствован еси; очи же твои, Всесвятаго Духа видевшия, яко в виде голубине сошедша, паки воздвигни к Нему, Крестителю, и милостива нам соделай, и прииди, стани с нами, предначинаяй торжество.

4. Вспомним, братие, о нашем Святом Крещении

Крещение Господа нашего Иисуса Христа напоминает нам о нашем крещении. По благодати Господа и по вере наших родителей и восприемников, и мы сподобились великого Святого Таинства Крещения, и мы еще во младенчестве крещены во имя Пресвятой Троицы: Отца и Сына и Святаго Духа.