Страница 79 из 91
И оттоле убо благоволением Божиім и молитвами преподобнаго отца нашего старца Нила в пустыни его Сорстеи уставися скитское жительство по уставу и по преданию святых древних отецъ, даже и до сего дне совершаемо в славу Отца и Сына и Святаго Духа, единаго Бога, и Пречистыя Его Богоматере, владычицы нашея и госпожи Бого- родици и Приснодевы Мариі.
Имат же в себе та пустыня и древеса некая — ели токмо и мало березъ и сосенъ, и мхи великия и непроходимыя. Обретаемы же бы- ваютъ в той пустыни и ягоды: клюква и брусница, морошка и черница. Иных же древес или овощи в той пустыни отнюдь тамо несть обрести.
Не имат же ся в той пустыни ни до мала что обрестися яково–любо, что угодно к населению любящим житие света сего, но понеже ничто- же видети в ней подвижущаго к молвамъ и воплямъ и к прочим сплетением мира сего и за еже не имети имъ в пустыни той ни скота, ни осла, ни служащих, ни служимых, ни чаляди и ни іного чего бываема- го во общихъ житиях. Сице бо изволи преподобный отецъ нашъ Нил, еще ему сего маловременнаго жития[752] не отошедшу, такожде и по себе благослови во своей пустыни единонравным учеником своимъ жити и еже соблаговолять воли его: отнюдь общежителныхъ орудиі ничего не имети. Удаляти же ся делом заповеда и молвы, бываемая телес- ных ради лихоимъствъ, яко напоения смертоносна, понеже сие, рече, разлучаетъ нас от Бога. Питати же ся рукоделиемъ заповеда токмо. Аще же хитростем мира сего не учен кто будетъ и немощен есть делом от руки своею питати себе, таковый убо милостыни мало да приемлет, отнюду же благодать Божия усмотрить. Излишняго же отнюдь ошаятися. Заповеда же в пустыни своей и женам отнюдь входа не имети, такоже и мужеска полу младовиднымъ и от скот раждающих, понеже сими всеми иноческаго чина общий враг нашъ диявол зело наветуетъ, подвигъ бо ему, рече, еже чрез естественных паче инока осквернити.
Правило же церковное в той Сорстей пустыни сице бе творимо бываетъ. Дважды бо в коейждо седмицы собираются в церковь и творят всенощное бдение — в неделю і в среду вечер на свет четвертка. Аще ли прилучится в седмицы праздникъ господьскиі, или некиі от великих святых, емуже бдение бываетъ, и тогда убо они оставляютъ еже в среды вечер бдение и творятъ в неделю и празднику: яко да то- комо совершити две бдениі в коейждо седмицы. В прочая же дни по келиям упражняются и пекутся киіждо их о своем спасениі якоже можаху противу силе своей. Не вси бо равно тщание или правила количество в келиях своих имутъ, но поелику бо их кто верою, яже к Богу, растяше, потолику пред Ним и молитвою предстояще.
Келейное же им сицево бе житіе обычно, еже: отнюдь двема бра- тома во единой келиі не жити. Аще кто и от славных мира сего будетъ, и честней человек, еще же ис писменем не учившихся, не при- емлютъ в пустыни той. Но по единому брату в келиі живутъ, якоже древних святых богоносныхъ отецъ скитское жительство обдержитъ, и грамоте изучившиіся жительствуют тамо. Келия же от келиі у них толико отстоитъ, елико имъ друг друга не слышати, киіждо их кто что в келиі своей творяше, или къ Богу како подвизашеся. Видети же токмо по единой келиі от другия келиі. От единой же келиі всех келий не мощно есть видети, занеже лесу зело превелику и чащам между кели- ями быти. Текут же и потока два сквозе ту пустыню. Хранятъ же и сие предание живущии ту иноцы преже бывших отецъ места того: еже окрест келей отнюдь не сещи лесу ни на кую скитскую потребу, но подалее от скита на всяку потребу секуще древеса, дабы не объявила- ся каяждо келия к друзей келиі.
Имут же у себе и стража единаго токмо, иже им часы уставлаетъ, и в зимное время притвор церковный нагреваетъ, и на киіждо день братию посещаетъ: аще здрава суть. И по сих к настоятелю приходитъ и о здравиі ему тех возвещаетъ. Аще же кому от братиі случится в немощь впасти, то брату тому послужит, дондеже и создравеетъ.
Кормля же имъ бе ис казны великого государя царя Словенского и Росийскаго и инех многихъ языкъ и государствъ обладателя и самодержца, толика доволна бяше, елико мощно в житиі своемъ иноку тело свое окормляти. От тех же уроков и одежду себе изообрета- ютъ, еюже наготу своего тела прикрывающе, Божиіх благих дарованиі одеяниею паче.
А елика имъ бе скорбь случается от уныния и человеческаго ради нивидения, сего словом сказати немощно есть или познати от плотская мудръствующих. Но токмо тии сведятъ, иже умную память присно имеютъ. Сиі бо слово се разумеютъ, занеже и темъ не всегда бе или равно радость Божия пребываетъ. Есть бо якоже куплю деющим случается — овогда бо тем, прибытки своя зрящим, радоватися, овогда же тщеты ради печаловати. Сице бо и при духовных, деющих куплю; плоть убо на злате заповедей продающим, духъ же купую- щим, подобно видети есть: овогда бо тиі, къ Богу приближающеся, радуются, якоже пророкъ глаголетъ: «Помянух Бога и возвеселихся» (Пс. 76, 4), «сердце бо мое и плоть моя возрадовастеся о Бозе живе» (Пс. 83, 3), овогда же, от Него удаляеми, унываютъ. Того бо ради і никтоже тамо постризаху, но прежде во общих житиях обучившихся приімаху, яко сведущим тризненое бедство. Но и сим сице бываетъ, аще кто от них оставит келейное свое правило. Таковый убо духом уныния скоро изгоним от скита бываетъ и во вселенную отходит. И бывают последняя горше первых. Еже бо в жителстве своемъ и совер- шенне оставите количество правила своего, и ина симъ последующая злая случается ему. Сия убо быша ему от еже безмолвия не претерпе- ти ему.
Аще ли же отшедый брат от скита поспешивъ будетъ душею и еще теплъ верою, и помянув первыя ревности начало и теплых помыслъ своих, с ними же изыде прежде от дому своего, и возвратится в скитъ паки, они же, Сорския тоя пустыни иноцы, яко изкусниі борцы, понеже и сами всегда от диявола напастуеми, вскоре брата того с ра- достию приемлютъ, якоже и апостолъ глаголетъ: «Иже пострада, ис- кушенъ быв, можетъ и напаствованому помощи» (ср.: Евр. 2, 18), і по первому обычаю брата того жити уставляютъ. Он же, яко теплъ сый верою, и первымъ подвигомъ касается, укрепляющу его Богу и преподобному отцу нашему Нилу споспешествующу. Аще бо сей святый отецъ нашъ Нилъ и телом от нас отиде, но духом с нами всегда есть, и помогает намъ в напастех всегда, и радуется яко отецъ присный и о маломъ нашем исправлениі, видя нас когождо тщащихся о спасениі душъ наших.
А иже внове аще кто к ним приідет, хотя с ними сожительствова- ти, настоятель же и братия все во едину келию сошедшеся, и сматря- ют брата того, — аще мощно есть ему с ними и наедине в келии жити. Не сладце же брату тому исперва будет. Не бо се от злобы творяще, но яко да познаютъ терпение брата того. И аще мощна его видятъ еже с ними и наедине в келиі жити, то убо настоятель поемлетъ его во свою келию и упокоеваетъ его, дондеже той братъ келию свою приуст- роит. Не от основания же приустроитъ, приходящим бо тамо готовыя келиі даются, со святыми иконами, и книгами, и со всякою посудою и орудиемъ келейнымъ. Таже убо по сих и живущая ту братия на киіждо день новопришедшаго брата того упокоеваютъ у себе, и сказующе ему вся наводимая имъ от диявола. Паче же всего живущих зде, рече, о брате, боретъ бо зело диявол леностию и разслаблениемъ, яко да симъ низложивъ их, отторгнетъ его от телесныя молитвы, ея же убо оставление намнозе бываетъ иноку во уме велие падение. От сего убо мы избавитися потщимся благодатию и человеколюбием Господа Бога и Спаса нашего Иисуса Христа, Ему же подобаетъ всяка слава и честь и покланяние купно со Отцемъ и со Святым Духом ныне и присно і во веки веков, аминь.
«О житіи» Нила Сорского, Сказание о явлении его во сне Ивану Грозному, заметка о поминании его и Молитва ему, по списку 1784 г
Подготовка текстов Г. М. Прохорова Рукопись ИРЛИ, Р. IV, оп. 24, № 66, Сборник, 1784 г., лл. 287–288 об. О ЖИТІИ ПРЕПОДОБНАГО НИЛА СОРСКАГО писанія не обретохом, но токмо мала от многих слышахом о пришествіи его во оную пустыню Сорскую, иже ныне зовется Ниловъ скитъ.
Пріиде преподобный отецъ нашъ Нилъ чюдотворецъ со учеником своим Инокентіем от Палестинских странъ изъ Святыя Горы Афонскія и поиде по благословенію въ непроходимыя [места][753] дебри и леса, и пріиде на Сору–реку, на место, идеже ныне пустыня его стоитъ, и водрузи святый крестъ, и постави часовню, и келію, и ископа кладезь, и уготова тамо место, где быти церкви, и въ погребеніе себе и братіи, и своими руками наносилъ гору земли, и устроилъ, понеже около того места болота и мхи непроходимыя, и поставилъ мелницу на потребу братіи. И доднесь молитвами его все стоит, нерушимо, и всеми ныне видемо. А прочия подвиги его и труды, и жестокое житіе кто может исповедати?